打得又演得的潘曉彤下月將參演外語片。

童星潘曉彤（Rachel）至今已演過無數劇集，最近更涉足影壇，以全英語對白拍攝動作片！為應付戲中連場打鬥，Rachel花了個多月跟師傅學功架，幸而她早有武術根基，身體柔軟度大，做側手翻及凌空等動作亦難不倒她！

打得又演得的潘曉彤下月將參演外語片。

Rachel與導師耍猴拳時有板有眼。

潘曉彤有武術根底，單手打側手翻？冇難度！

過往多演妹角色的潘曉彤，最近於劇集《好心作怪》終於「長大」，演回實際年齡的角色。她在劇中飾演警員，與許紹鴻、沈震軒有不少對手戲，由於角色性格與本性相似，令她演繹時過於自然，間中出現思緒混亂的情況。

英語掂拍外語片

Rachel自小就讀國際學校，除了愛接受挑戰外，更說得一口流利英語，她最近便被外國片商睇中，參演下月開拍的外語片《Lady Bloodsports》。該片講述一班女子以武術進行格鬥，Rachel所演的角色精通猴拳，為配合角色，她個多月前已跟師傅上堂學武。Rachel曾跟冼國林學習「大聖劈掛」，所以練習基本功時應付自如，即使要把腳提高至頭部、拉筋亦非常從容，連做騰空動作亦如小朋友跳飛機般容易！不過，Rachel坦言亦曾遇到困難：「要練戲入面要求嘅動作，好似要扮向前跌，因為唔識就力，結果就扭傷手腕。本身膝頭又有舊患，唔可以踎得太耐，但猴拳成日都要保持半蹲狀態，要就住力。」

由於該片比原定時間遲開拍，預料將與新劇的開工時間重疊，Rachel惟有減少電影戲份，她說：「都可惜o架！但要去南海拍，所以時間方面唔係太多，但監製應該都會再搵我，惟有等下次啦！（講全英語對白緊唔緊張？）反而講英文會舒服啲！其實幾年前都試過用全英文拍嘢。」