陳靜除於影圈闖出一番成績，更從中找到自我。

「最佳女配角」陳靜與邵音音合演陳果執導的新片《迷離夜》，二人笑言最難忘是大家不停打小人，更打到手軟。問到榮升女配角的陳靜是否以新酬勞拍新片，她說：「套戲係拎獎前接嘅，好滿意酬勞，最開心係陳果導演邀請我演出，就算冇酬勞都得，最重要係有機會！」邵音音則大讚陳靜於戲中的表現：「佢個角色好有內心戲，要透過眼神做出怨恨、憤怒同無助，難度好高但佢做得好好。」

陳靜除於影圈闖出一番成績，更從中找到自我。

與邵音音因合作電影而稔熟的陳靜，與對方互笠高帽！

陳靜初出道時以模身份殺入娛樂圈，於短時間成功轉型兼演技獲得認同：「我覺得好幸福，已經行咗一條屬於自己嘅路，都係從電影入面搵到自己嘅路，以前都唔認識自己，可以搵到令我繼續奮鬥嘅目標，繼續行落去係一個力量。過程係艱辛，但最重要係面對同進步。」邵音音即說：「你一、兩年就紅咗，我經歷咗幾十年，以前接受訪問一定係講做肉旦同艷星，你比我幸福好多o架喇！」