余思慧（左起）、劉溫馨及陳偉琪自備服裝，會見星級評判。

《2013香港小姐競選》二十位候選港姐昨日接受星級導師李克勤特訓，對於被落選佳麗「D Cup曾寶儀」林芷嘉嘲諷穿A貨，(9)劉溫馨說：「我唔着名牌，所以唔會有假貨。」提到林芷嘉要帶她揀衫？她說：「做香港小姐最緊要咪貪慕虛榮，我唔識佢，可能佢妒忌我啦！其實人靚着咩衫都靚。」

余思慧（左起）、劉溫馨及陳偉琪自備服裝，會見星級評判。

一眾候選佳麗昨日以私伙亮相，(3)余思慧穿上似足「內衣」的吊帶裙上陣，最為性感，而(20)陳偉琪則露24吋半小蠻腰吸引目光。余思慧不擔心被其他佳麗指博出位，她說：「大家知我咩為人，我哋感情唔錯。同埋我都唔覺打扮性感，可能我喺美國返嚟啩！」陳偉琪亦表示沒有刻意搶鏡，相信其他佳麗不會誤會她。此外，李克勤老婆是前港姐冠軍盧淑儀，他以半個過來人身份與佳麗分享經驗：「最希望佢哋知道選港姐唔係嚟玩，係嚟比賽，只有一個會贏，希望佢哋呢兩個月可以攞番啲嘢走。」