林雨生力撐唔關女事

吳積遜與楊其龍及林雨生（Gordon）當年合作經營夜店，不過吳積遜和Gordon先後離場，之後各有各忙。對於舊拍檔離婚，Gordon表示看到本報獨家報道才知道，他自言摸不着頭腦：「我仲早過佢冇做夜店生意，最後一次見佢兩公婆係喺周汶錡婚宴上，佢哋仲好好。（覺得可惜？）覺得奇怪，佢哋好襯好夾，我知佢好錫老婆，不過婚姻嘅嘢好難講，好多嘢外人睇唔到。（係咪佢太有女人緣？）佢嗰時淨係做日頭，做完嘢就返屋企，應該唔係女人嘅問題，佢好錫老婆。（經濟問題？）真係唔知。」至於楊其龍至截稿前仍未能聯絡。