壽星女苟芸慧十分友善，更表示請記者飲咖啡。

苟芸慧昨日生日原本要好好慶祝，可惜冇緋聞男友郭富城陪伴，兼因愈減愈肥而失去纖體代言續約機會，頓成雙失的肥苟，冇癮之下只好與好友簡慕華擦意大利餐，化悲憤為食量。

壽星女苟芸慧十分友善，更表示請記者飲咖啡。

苟芸慧與簡慕華排隊買戲飛時嘴扁扁，其後不合心水索性不看轉戰Shopping。

陳煒以三點式上陣拍廣告，展示美好身段。

苟芸慧與郭富城傳緋聞後身價暴漲，體形亦隨之暴脹，有傳因此失去纖體合約，昨日適逢30歲生日，她未獲緋聞男友郭富城陪慶祝，還要在工作中度過，只好自己搵節目，愁爆慶生。昨晚她先到又一城扮靚整頭髮，再與簡慕華研究看那部電影，可惜最後不合心水，只好轉戰Shopping，半小時內又買絲巾又買裙，期間還做「人肉布景板」與Fans合照，即使見到記者追訪也請飲咖啡，十分友善，不過也掩不了沒有城城陪伴慶祝生日之失落心情，最後兩人揀了意大利菜醫肚，肥苟借機會化悲憤為食量，勁擦大餐補數。

肥苟昨日在活動上被追問城城可有祝她生日快樂時，想了一會才說：「佢應該唔得閒！（失望？）我收到好多祝福，覺得好Lucky，剛嚟香港時唔覺，但近期咁多事發生，收到好多人真心嘅關心，我係Feel到！」

陳煒接棒

有關失去纖體廣告續約機會，改為陳煒取代，肥苟說：「唔知，要問公司！不過佢（指陳煒）好Fit好Nice，畀佢我都覺得好開心！（唔覺得Hurt？）點解要Hurt！係我就係我，唔好咁執着！（生日願望？）想同家人去旅行同考潛水牌！（唔係想瘦？）睇化晒！都係自己同自己比較啫！」

而陳煒則以6位數字接任肥苟為纖體公司新一任代言人，並強調冇得搶只是不同感覺，她說：「公司只係想每年有唔同女仔，有新鮮感啫！佢（苟芸慧）係公主感覺，今次公司想搵高貴性感先搵我！」