DaDa夜蒲盡情肉搏
由o靚模升呢變成實力女演員的陳靜（DaDa），雖然今年獲得金像獎女配角後電影工作不斷，但並未因此變得錫身，憑《喜愛夜蒲》嶄露頭角的她，為報答伯樂錢國偉，將在第三集中繼續肉光四射，不過談到酬勞，DaDa即企硬要緊貼市場，要求加價，認真實際。
金像獎女配角DaDa唔錫身拍《喜3》，夠晒噱頭。
錢國偉為《喜3》選角，與試鏡的o靚模合照。
Celia K.算是有點名氣，未知可會被錢國偉垂青。
寸嘴Barbie夏尉喻及文凱玲谷行事業線試鏡。
文凱玲
女星陳靜憑電影《低俗喜劇》「爆炸糖」一角，勇奪今屆金像獎最佳女配角，由模搖身一變成為影壇搶手貨，《喜愛夜蒲》導演錢國偉食過翻尋味，希望「翻兜」DaDa擔正第三集女主角，據知，向來計仔多多的錢國偉，更落足嘴頭，氹掂DaDa與新進男演員埋身肉搏！
夥拍新男拍檔
至於DaDa雖已今時唔同往日，但為回報伯樂錢國偉，完全冇托手月爭，即使埋身肉搏亦冇Say No！她昨日在電話中透露雖仍在考慮是否接拍《喜3》，但若真的答應，便會毫不錫身：「如果個劇本OK，演出機會都會好大，自己就唔會因為攞咗獎而錫身，不過都會Set個界限，最緊要故事合情理。」不過講到片酬，DaDa即變得實際，更坦言會加價：「我會就番市場價。其實我對套戲都有情意結，因為新入行嗰時，就係憑呢套戲獲得關注。」
導演錢國偉昨日亦透過電話承認搵DaDa任女主角，並謂對方跟第一集一樣會有火辣演出，又承認第三集會安排新對手跟DaDa合作，期望擦出新火花：「DaDa今次個角色係承接番第一集嘅角色，繼續同王宗堯做夫妻，不過DaDa就會有婚外情，仲會同一個男新人肉搏，但係因為套戲唔係三級，所以會點到即止。」
近40o靚模試鏡
此外，《喜3》昨日在九龍塘選角，近40名o靚模出席，不過大部分均名不經傳，只有Celia K.（郭穎兒）、蕭美卡（Mika）、寸嘴Barbie夏尉喻及文凱玲（Connie）等較為人熟悉，幸好她們清一色以泳裝或熱褲上陣，為現場升溫。當中以組合AD2成員Aily最為「肉搏」，甫出場即露「雙暈」搶鏡，受訪時仍繼續露暈，更弔詭的是，她前晚出席公開活動時已「失暈」。
談到全程「失暈」，Aily竟懵然不知，經記者提點後仍毫無反應，要勞煩拍檔Amy代勞整理「雙暈」，才成功將胸前兩點歸位。Amy補鑊指Aily可能因身材太澎湃，加上出場前未有檢查清楚才失暈：「佢36F，件泳衣Size較細，所以先咁。」她又力讚Aily：「佢全場最大最天然。」
