唯唯(左)與謙仔密密傾,未知是否交流豐胸心得?

梁烈唯(唯唯)與羅仲謙等昨日拍攝新劇外景,早前因身形唔夠Fit而冇得騷肌的唯唯透露,已練好一排「朱古力」騷Quali,反觀謙仔巨胸明顯縮水,看來稍後的半裸戲份又有排鬥!

唯唯(左)與謙仔密密傾,未知是否交流豐胸心得?

馬德鐘(左)收到謙仔送的氣槍,即刻騷畀大家睇!

貪玩的黃智雯攞冰為馬德鐘降溫,相當透心涼!

梁烈唯、黃智雯、馬德鐘及羅仲謙等昨日到屯門拍攝新劇外景,酷熱天氣下,智雯自爆將冰放入身降溫,冰溶化後搞到一身濕,不過記者到場後,她僅用冰搽手消暑,未有上演這幕香艷畫面!唯唯透露上次因身形未合格冇得騷肌後,這次終於練好一排「朱古力」,稍後跟謙仔有赤裸上身戲份。不過,驟眼看「大胸謙」明顯縮水,他急急解釋是現時流行線條:「張家輝已經帶起咗個潮流。(楊怡摸過未?)未去到咁親密!」問到楊怡會否心痛他多危險戲?謙仔甜絲絲地說:「又唔會心痛,不過咁多危險戲會擔心,我會小心!」而馬德鐘則獲謙仔送上全新M4氣槍,他表示稍後會跟鍾嘉欣拍落水戲,知道嘉欣怕水,或會預早訓練她。

提議無綫足本播

此外,對於節目《星夢傳奇》播出首集後,負面新聞連連,智雯坦言不介意公司在網上足料播放。而唯唯亦承認曾向公司反映,希望下集可原汁原味,提到被指是內定三甲,他無奈地說:「呢啲超出參賽者控制範圍。(怕唔怕被針對?)我入行咁多年都咬實牙關捱過,一路係默默耕耘,最緊要做好自己。」