王璐瑤直言寫真Sell天然，拒絕重口味。

o靚模寫真戰開「波」啦！雖然被名模Ana R.批評似鹹書，但眾女繼續「剝光豬」玩不文，「醒目女」梁晶晶（Bonnie）、王璐瑤（LuLu）則靠黐柯震東及余文樂凸圍而出。力Sell天然無添加的LuLu，寸爆與其他o靚模不同級數，而Bonnie則「腿張開」、以手臂遮胸誘宅男。

王璐瑤直言寫真Sell天然，拒絕重口味。

LuLu遠赴泰國華欣取景拍攝寫真，大晒長腿。

首次出寫真的梁晶晶，聲稱內容以日本潮流作賣點。

Bonnie玩牙膏玩到成口泡，但好似冇乜新意喎！

今年書展即將開「波」，o靚模寫真戰一觸即發，眾女各出奇謀，有大Sell青春，也有「剝光豬」玩不文，另外也有搞另類宣傳的梁晶晶（Bonnie）及王璐瑤（LuLu），分別靠黐台星柯震東及余文樂上位，成功引起話題。

去年自爆與樂仔互傳情慾短訊的LuLu，暑假將推出第二本寫真，更特地遠赴泰國華欣取景，除了以三點式上陣力谷4吋事業線兼大騷長腿外，更在酒店的私人泳池半裸晒玉背及波邊，LuLu說：「今次最激會有背脊半裸，同側面見到啲線條，但我唔係賣弄色情，係有美感嘅性感。」成功「升Cup」的LuLu又寸爆與其他o靚模路線不同，問到誰是最大的競爭對手？她說：「除咗知我班Friend黃榕、仙樂都出寫真，新嗰啲我冇乜留意，好似個個都一樣咁分唔到囉！我呢本係Sell天然，拒絕人工、重口味，我唔會玩啲白色液體。」如今「樂霏戀」告吹，會否送樂仔寫真？LuLu決絕地說：「唔會！」

翻炒滴牙膏

至於與柯震東一時發展中、一時鬧交的Bonnie，今年首次推出寫真，她聲稱內容以日本潮流作賣點，並包裝成日系水着女優的風格。不過，當中亦有不少「重口味」相片，除有大量碌床碌梳化、剝衫及半裸鏡頭外，Bonnie更以手臂遮胸兼「腿張開」，雖然相片裁去重要部位，但足以令宅男想入非非。此外，她又半裸趴在梳化上，將泳衣Top放在梳化邊，雙手伸直的她猶如被綁架，而當中亦有「經典重溫」，Bonnie大玩「白色液體」滴牙膏，搞到成口泡。