打扮性感的唐貝詩（右）獲媽媽寇鴻萍送上愛的抱抱。

寇鴻萍女兒唐貝詩前晚舉行派對慶祝25歲生日，莊思敏與妹妹思明、其兩位緋聞男友王大業與林忠豪都畀面到場。唐貝詩中門大開以大露背連身裙上陣，大騷南北半球，她解釋因平日上班較密實，故生日可名正言順行性感。對於願望，她說：「事業有成就。（拍拖呢？）都想但唔急，唔要爛桃花！」

打扮性感的唐貝詩（右）獲媽媽寇鴻萍送上愛的抱抱。

莊思敏（右）與妹妹思明專誠前來為壽星女賀生日。

而王大業被問到舊愛賭王千金何超雲遭偷拍泳衣照，他表示沒有慰問對方：「都唔係好負面。（佢身材點？）唔評論，好尷尬！（叫佢唔好着泳衣？）唔會，游水唔着泳衣唔通着潛水衣咩？」至於盛傳今年結婚的林忠豪被問到婚期時，他說：「盡快啦！但未求婚。（女友係高官之女？）係普通人。（好靚女？）一般，我情人眼裏出西施。」對於舊愛廖碧兒早前被網友嘲弄，他透露冇聯絡對方，讚對方經驗十足，不用擔心。