曹永廉靚仔有罪 不幸「遇襲」好友安慰

曾有人說美麗有罪，無綫藝人曹永廉日前便於微博上載他的「受傷」照，只見他面青、鼻腫，還有血漬，看似傷得不輕，他留言道：「成日畀人打，仲要打面，靚仔真係有罪咩？」

自認靚仔的阿廉慘遭「襲擊」，而另一邊廂，同樣自認靚仔的林盛斌（Bob）深有同感，但他自言比阿廉更靚仔，所以下場更慘。Bob憶起事發經過：「樣衰少少嗰班抵唔住頸就做嘢o架嘞，上次我唔記得戴口罩出旺角，畀百幾二百人圍住係咁揼呀！」他亦未有「吝嗇」分享經驗，着對方以後出街要戴帽及戴黑超。而好友蕭正楠亦有出言安慰，大讚他被人愈打愈靚仔：「阿廉，冇事嘅，你畀人揼完仲英咗！輪廓都出晒嚟，所以你最好日日都畀人打！」雖然阿廉與Bob言之鑿鑿，但其實被打只是劇情需要，Fans毋須緊張。