抱着狗仔的楊思琦坦言，希望多接些工作搵錢養女。

楊思琦及洪天明前晚錄影《寵愛wakaka》，思琦談及高峰期曾養7隻狗，與李泳豪分手後已沒有見過牠們：「希望佢哋健健康康啦！」她表示稍後將參演新劇其中一個單元，自從生BB後，已有一段時間沒有演戲，當今次是「熱身」作。問到可打算減產多陪囡囡時，思琦說：「乜都做呀！你哋（指記者）幫我放吓風，等多啲工作搵我。」談到今屆港姐，思琦謂未有特別留意，故不清楚師妹的是非：「淨係知道今年有決賽同總決賽，可以畀觀眾消化吓。（有乜心得？）最緊要淡定，做番平日咁就得。」

抱着狗仔的楊思琦坦言，希望多接些工作搵錢養女。

洪天明（左起）、Bob、薛家燕、呂慧儀和楊思琦，前晚齊齊錄影節目。

洪天明表示早前與老婆帶囝囝到韓國探望洪媽媽，並住了一個月，他只能留10天。為照顧兒子，他先後推掉兩套內地電視劇：「就算依家我拍劇，都叫監製畀少啲動作場面我，等我留多啲精力湊仔。（想囝囝承繼衣鉢？）我鍾意踢波，叫佢去做足球員。佢爺爺鍾意打高爾夫球，一係叫佢去做Tiger Wood囉！」