莊思敏只得一對腳，但擁有近千對鞋，可謂「鞋癡」！

莊思敏（Jacquelin）昨日為《香港時裝節》的鞋履騷擔任嘉賓，她自稱百足寶寶：「我一向都鍾意買鞋，讀書時書枱下面有四對鞋，成日畀人投訴亂擺。」她透露現時擁有近千對鞋，由於數量太多，部分須入倉。問到可有打算捐鞋？她說：「我唔會捐鞋，因為鞋比較貼身，有衞生問題，加上我成日都着鞋唔着襪。好彩我同妹妹着鞋嘅Size一樣，所以可以交換着，佢買鞋都勁瘋狂。」

莊思敏只得一對腳，但擁有近千對鞋，可謂「鞋癡」！

談到余文樂昨日在社交網站怒斥緋聞被利用作電影宣傳，Jacquelin認為電影宣傳與藝人私生活是一個「套餐」：「有電影上就會多咗宣傳，大家就會留意多咗電影主角嘅私生活。其實導演只係想人哋講部戲，而唔係演員嘅私生活。好似之前我拍葉念琛套戲，咁啱同葉念琛傳緋聞，大家都只係講導演有冇監場，而唔係講部戲。我就冇所謂，大家好清楚真定假，當係電影宣傳囉！」她表示剛接拍了一部警匪喜劇並飾演女警，故暫未能染髮。