趙碩之踩o靚模剝得就剝
一班今年加入寫真戰的新進o靚模的露骨寫真不斷被狂插，繼早前被名模Ana R.鬧爆後，寫真鼻祖趙碩之同樣寸爆眾女為錢亂剝，令人「難以接受」！而兩位寫真過來人何佩瑜與模媽陳靜儀亦彈後輩質素差，影得低俗兼製作求其！
趙碩之
趙碩之以高貴型格Look，為亂剝、亂拋胸的新進模做榜樣。
Jeana寸「熟模」黃榕翻炒露點舊橋，欠缺新意。
Mia認為寫真模的樣貌及身材質素都每況愈下。
書展將於本月17日開鑼，同時揭開寫真戰的戰幔，一班新進寫真模繼早前被Ana R.彈到體無完膚後，寫真前輩趙碩之（Wylie）、何佩瑜（Jeana）與模媽陳靜儀（Mia）亦不睇好！剛回復自由身的趙碩之今年未有參戰，但日前卻為造型師好友拍攝一輯高貴性感照作留念，大玩黑色誘惑，披上黑紗襯黑色Tube Dress騷深長「事業線」及長腿，向一眾後輩示範何謂高貴性感！
談及今年的寫真戰，Wylie直言寫真質素「愈嚟愈差」，寸爆新進o靚模為錢而剝︰「我今次影呢輯相唔係為錢，只係為靚、為Fashion，想將最好一面畀人睇。o靚模入行當然為賺錢，但唔能夠為錢就拋胸拋到呢個尺度，太誇張！」她認為往年的寫真製作較認真，但現時只着重露肉程度，欠缺主題之餘，o靚模的質素亦不濟︰「真係一年怪過一年，依家變到勁暴露，差唔多上身要剝晒，而且佢哋質素太普通，完全搵唔到有咩睇頭！」她慨嘆寫真風氣愈變愈差，非常意淫︰「依家愈影愈暴露，完全變晒，接受唔到！」
Jeana喪插黃榕
同樣出過寫真的Jeana與Mia，早前與今年首出寫真的師弟趙勁皓（King）為有線節目《熱浪奇招運動會》做嘉賓，毫不錫身地倒奶玩掌上壓，非常惹火！提到今年的寫真模遭狂插，Jeana踩多腳批評新一代寫真只是炒舊橋︰「都係嗰啲嘢，點解要睇？而且製作求其，冇乜感覺。」她更直指「熟模」黃榕再挑戰極限影露點相冇新意︰「吓！佢上年唔係已經露咗？今年又露？」而Mia亦狙擊黃榕說︰「出咗幾年，佢連底褲都送埋，已經冇嘢睇！」
Mia認為o靚模質素跌Watt，寫真亦太低俗︰「啲女仔求其影，樣同身材質素都下降，而且佢哋影嘅相唔似寫真似私影，風氣好差。」同場的趙勁皓則自爆曾在街上被一位o靚模搭訕，對方指二人將於寫真戰中較量，但他卻認不出對方是誰。
