32D蔚雨芯峰殺瑞莎
歌手蔚雨芯（Rainky）昨日首次行比堅尼騷，擁有32D咪咪的她，惡鬥身材驕人的前港姐許亦妮及台模瑞莎等。Rainky不慎露Nude Bra及下體現形，輕易搶「峰」頭，也為將推出的寫真免費宣傳！
擁有32D上圍的Rainky身材甚弗，難怪她不介意多接泳衣或內衣騷。
Lea T.（左起）、蔚雨芯、許亦妮和瑞莎穿泳裝行貓步，場面火辣！
蔚雨芯行比堅尼騷，曲線宣傳寫真集。
許亦妮上圍最豐滿，但骨架略嫌大隻。
首度行泳衣騷的瑞莎，笑言在台上緊張得自我打氣。
昨日Rainky、許亦妮及瑞莎穿三點式到荃灣廣場一田百貨《YATA Bikini Summer 2013》行泳衣騷，現場「峰」起雲湧！擁有32D上圍的Rainky行貓步時不慎露Nude Bra，其中兩套泳衣更下體現形！對於連環失手，她淡然說：「都係睇到Nude Bra啫！都過咗去。（下體現形？）我下身黐咗好多膠紙，着泳衣點都會有少少現形，都預咗，只要係健康性感都接受。（身材唔及許亦妮澎湃？）每個人都唔同，唔可以比較。（酬勞好好？）呢啲交番畀公司傾，公司都有問我，泳衣係健康冇問題，我嚟緊都出寫真啦！我唔介意接泳衣或內衣廣告。」
波霸許亦妮骨架大
而同樣首次行泳衣騷的許亦妮以35D上圍稱冠，但身材略為健碩。她稱已減肥數周，其中一套泳衣褲頗為鬆身險走光。提到身材最煞食，她謙稱：「唔係，個個身材都好好，瑞莎好靚，終於可以見到真人。（出寫真？）唔會，我唔夠其他人比。（你比Rainky大隻？）我骨架大，依家身形同選港姐時差唔多，我係大隻過佢，佢較細粒，我都好想嬌小啲，但阿媽生到咁冇辦法！」
「過江龍」瑞莎則打頭陣兼壓軸，擁34C弗爆身材的她原本否認穿Push Up Bra，被踢爆露Nude Bra後才「恍然大悟」：「Oh No！我想喊呀！我感覺不到！（你身材好好？）其他人身材都超好，大家都好靚，令我有啲緊張！」她自言已數個月沒有來港，近日簽了香港經理人公司，成為熊黛林師妹。
此外，今年書展推出寫真的歌手楊愛瑾及鍾嘉欣，面對一片「波濤洶湧」未感壓力。楊愛瑾透過助手回應：「我本書係相文集，唔係寫真，唔需要用性感去谷，係畀人認識自己。（怕被比下去？）根本唔使比較，大家路線唔同，我啲相係美感！」鍾嘉欣說：「我冇乜招數，寫真唔一定性感，可以有好多類型，我本書有好多相同文字，希望睇我本書嘅人感受到簡單就係快樂！」
