吳彥祖為湊女不願出街，認真廿四孝爹哋！

剛為人父的吳彥祖前晚為兄弟撐場時坦言目前不分晝夜湊女，如有時差般，更笑言與太太Lisa S.有共識，他心中已有另一個女仔，更指自己現時乃初戀階段。

吳彥祖為湊女不願出街，認真廿四孝爹哋！

陳嘉桓預告將在新片中有激吻戲份。

型男吳彥祖（Daniel）與名模Lisa S.的女兒Raven出世已一個月多，但兩夫婦對女兒甚為保護，除經常在Facebook展露手手腳腳外，其真面目尚未曝光。

Daniel前晚以下巴留滿鬚Look睇舞台劇《誘心人》撐兄弟尹子維場。他表示近日為湊女，甚麼地方都不想去：「啲人話男人有咗個女就有初戀感覺，我依家就係初戀，我同老婆都有共識，佢唔會係第一位，我心目中有另一位女仔，不過我都會氹老婆，同佢出街食飯。」

教打功夫自保

問到女兒像誰，Daniel興奮指下巴似他，眼及臉的上半部輪廓似老婆，更指老婆找出一幅童年相，與女兒更是一模一樣。他又笑言囡囡愈靚愈擔心：「我啲朋友全部生仔，將來個女實畀仔圍，所以都要教個女打功夫保護自己。」Daniel指太太Lisa S.下月會投入工作，故要減磅，目標是20磅。他又稱囡囡重近10磅，身長53cm，比一般同齡BB高。

而前來撐編劇場的陳嘉桓，前晚亦送上花牌。她透露正拍攝電影，片中有激吻戲，但還未拍攝，導演知道她緊張，故預早給她心理準備。問到會否希望演舞台劇？她說：「都想，但知自己未夠料，舞台劇層次高啲，都有啲三級同性嘅場面，今次自己嚟都係學嘢同取經。」