模梁晶晶（Bonnie）的寫真日前被模界前輩Ana R.批評似鹹書，她昨日不忿還擊狂寸對方老模：「大家年紀相差咁多，溝通唔到，佢睇過真正嘅鹹書未？我睇過，根本係兩回事！」而近日網上出現Bonnie寫真宣傳短片，見她換上不同泳衣及內衣大擺性感甫士，又抄周秀娜橋搞到成口牙膏，最激的是她半裸上陣只以手遮胸，並褪低泳褲騷股罅，至短片尾段她身穿內衣被近鏡由頭Pan到落腳，起初她投入舔手指，拍到胸部時，短片突然出現女子呻吟聲，其後則有飛機聲，意淫兼騎呢，難怪被列為18禁！
