殺入書展戰模的Miki，性感得來不失健康。

楊愛瑾（Miki）於即將舉行的書展中，以三點式上陣迎戰一眾模，推出寫真展示招牌長腿，卻不及上圍離奇「升Cup」吸睛，事後Miki否認後天加工：「可能嗰時細路女，依家感覺唔同咗啫！」

殺入書展戰模的Miki，性感得來不失健康。

潛入水中的Miki大玩濕身誘惑。

穿上三點式的Miki，不忘大晒招牌長腿，實行滿足宅男多個願望！

設計圖片及對白

自Cookies拆夥後，28歲的Miki星途一直半浮沉，今次相隔約10年再以比堅尼造型推出寫真，「終極全相」率先曝光之際，赫然發現她上圍突然由A Cup變C Cup，Miki澄清叫大家別胡亂推測：「身材真係冇咩點變，以前細路女，依家再着感覺唔同咗啫！」一向偏瘦的她拍攝當日只以一杯奶充飢，結果見暈及嘔吐，工作人員曾勸喻她休息，但她堅持踩足20小時完成所有拍攝工作：「呢一鋪一定唔衰得！」

泰國大解放

Miki最近簽約新公司銳意收復失地，直言早幾年投閒置散浪費了不少機會，加上與男友郭永淳的種種緋聞而影響了形象：「好多報道都寫到我好似闊太咁，其實當時都有擔心，住屋係最大問題，買（樓）又買唔起，交租又好貴，好彩平日我好慳，用嘅一分一毫都係自己嘅。（男友真係冇幫過手？）梗係冇啦！我哋財政獨立，總之我鍾意做（娛樂圈），短期內都冇諗過要結婚。（今次咁性感，使唔使男友批准先？）佢知我去泰國影相，亦明白係做呢行嘅需要……咁冇理由去得泰國會着樽領呀？」

把握「三級女角」

另外，盛傳Miki「背城借一」即將當三級片女主角，她笑說：「公司好好，肯開套戲畀我擔正，三級只不過係講緊驚慄懸疑啫！套戲8月先開，最快都要下星期先有進一步詳情，總之我會把握機會，今次要做好自己，花多啲時間去同導演商討，盡量鑽研角色需要。」