雖然顏福偉與陳振聰猶如失散孖生兄弟，不過講到要飾演對方，顏福偉即耍手擰頭！

商人陳振聰由天堂跌落牢獄的「跳樓機式」人生，據知已成為不少片商的新題材！開拍過不少電影的蕭定一直言故事吸引：「好吸引！但都好時事性，依家市民對事件耳熟能詳，要等事件丟淡啲先拍，發揮大啲！」他又透露父親曾開拍以王德輝被綁架作題材的電影《綁架黃七輝》，而今次事件雖然有情慾內容，但都會以爭產作重點。問到找誰飾演陳振聰？他說：「陳山聰太靚仔啦！要搵就搵顏福偉啦！」

雖然顏福偉與陳振聰猶如失散孖生兄弟，不過講到要飾演對方，顏福偉即耍手擰頭！

蕭定一認為陳振聰的故事很吸引，可以作為拍攝題材。

王維基將開拍小學題材劇集，開懷暢飲。

記者致電被網民指與陳振聰「撞臉」的白花油王子顏福偉，他說：「唔了解法律，唔知判得輕定重，但愈多貪心，就愈多煩惱。」問到若被邀飾演陳振聰會否答應？他反問：「你會唔會接呀？梗係唔會啦！要尊重已故嘅人。」他又自言未有留意對方，所以不知大家是否「撞臉」。至於香港電視主席王維基，則似乎對陳振聰故事作劇本未感興趣：「冇諗、冇考慮！」但他指將開拍小學題材的劇集《4年B班》，並已面試80多個小學生，又暗寸對手：「唔會搵啲廿幾歲嘅人扮小學生。」