由於父親趙世曾與契媽龔如心是世交，趙式芝一出世便獲龔如心收為契女。2010年，陳振聰在龔如心的千億遺產案中敗訴，對於陳振聰為官司公開與龔如心的密切關係，式芝當年曾開腔直斥陳振聰舉動猶如「鞭屍」：「我好嬲佢將契媽私人事攞出嚟講，好似『鞭屍』咁，人都走咗，唔係咁好！佢同契媽生前係好朋友，如果真係錫一個人，人死咗將最親密嘅嘢攞嚟講，而且講完一次，上訴又會再講一次，佢係咪咁有把握，或者有更有力嘅證明去贏呢單官司？」她當年早已強調覺得陳振聰敗壞契媽聲譽，並謂因此感到痛心及憤怒。