Irene雖然貪靚，不過因為怕痛，所以拒絕打Botox變臉。

曾以組合形式出道的模Irene（許麗燕）今年單飛推出寫真，昔日的包包面變得更Firm，但她直言連打Botox也怕痛，亦抗拒變臉。

Irene雖然貪靚，不過因為怕痛，所以拒絕打Botox變臉。

Irene出寫真主力Sell索樣，不想靠加鹽花谷銷情。

包包面改善不少，令Irene更加自信。

外表甜美的模Irene年前以組合冬甩成員之名拍攝寫真，其後單飛發展任平面Model，今年她捲土重來，參與有線節目《7條事業線．食腦任務》，並將推出個人寫真。見她34C的雙峰及身形依然甚具殺傷力，她透露一直有Keep住身材，近半年更開始做瑜伽及節食減肥：「做瑜伽可以改善脾氣，依家對身材更有自信。好多人話我靚咗，相信因為我輕咗十磅。（仲有咩地方唔滿意？）我全身瘦晒，塊面依然有肉，惟有食少啲甜品啦！」

相比之前，Irene的包包面已改善不少，她不擔心被指整容，直言全是節食及美容的成果，並稱怕痛，不敢打Botox：「唔想變咗第二個人，而且一定會被發現，都係自然美最好！我欣賞泰國嗰啲變性選美冠軍，樣靚身材正，如果整到咁都唔錯，不過我驚失敗，得不償失仲慘！（身邊有Model整容失敗？）唔知呀！人哋嘅嘢就唔好講。」

寫真Sell可愛

Irene透露寫真集主力Sell靚樣及日式可愛Feel，不會過分性感，亦不想靠猥褻感覺殺出血路。

Profile

姓名：許麗燕（Irene）

身高：1米66

體重：50kg

三圍：34C、24、36