思欣「鑽」研生意范振鋒再度求婚

現正修讀珠寶設計課程的無綫藝人李思欣，笑指老公范振鋒（Ricky）是她搞網上鑽石生意的幕後軍師：「當初想搞生意，但唔知投資咩生意好，Ricky就叫我不如試吓同佢朋友合作，搞網上鑽石生意。」做網上生意既可一圓思欣的老闆夢，又可省回昂貴的租金，一舉兩得。日前兩公婆一同到鑽石工場揀鑽石，思欣親自教Ricky如何揀優質鑽石，Ricky更拎住三卡鑽石戒指，向思欣重演跪地求婚一幕！初次做生意的思欣，已鎖定目標為年輕一代的顧客：「慳咗租金，定價可以比市面平，而且我哋仲打算幫客人訂造佢哋自己設計嘅首飾，咁佢哋就可以買到獨一無二嘅款式！」她更希望修畢珠寶設計課程後，可以推出自家設計的首飾系列。