Angela難忘於新戲中自彈自唱的一幕。

英皇新人許靖韻（Angela）簽約經理人公司後獲力捧，除灌錄唱片外，更被安排於新片《超級經理人》內「小試牛刀」出演一角，夥拍其他幾位靚女包括思璇、謝佳妤及莊潔夢等組成「OMG」，加盟「經理人」杜汶澤旗下。

Angela難忘於新戲中自彈自唱的一幕。

穿上短裙的許靖韻（左一）於旺角為新戲宣傳。

Angela日前穿上超短裙現身旺角派傳單，落力為電影宣傳，問到會否擔心人多遭非禮，她竟然自爆：「今日唔擔心，因為有好多工作人員跟場幫手，不過我讀中學時搭巴士，試過有人用一隻手掩護，伸另外一隻手過嚟摸我個胸，頭1、2次我唔識反應，第3、4次先肯定佢有心，於是大叫，旁人話幫我報警，不過佢見停站即刻9秒9衝出車廂走人。」

另外，首次接拍電影的她覺得片場樣樣新鮮，並且對其中一場演出十分難忘：「嗰場戲講我自彈自唱，平時嘅要求係歌聲悅耳，點知嗰日要求我唱得勁難聽又要走音，難度都好高，好彩阿澤幫我度咗啲Gag位，結果幾Take就收貨。」雖然今次與大班女生同場，但Angela表示每個角色都性格鮮明，不擔心會被其他人搶鏡。