梁佑嘉隨時閃婚

梁佑嘉（Abella）為內地重頭宮廷劇遠赴北京學演技、舞蹈及普通話，她坦言初時仍不習慣北上生活，後來認識到一班內地同學後，經常約食飯睇戲，最後好友更索性做媒人為她「拉紅線」，大力推銷北京男士。Abella說：「佢哋見我個人同北京天氣咁Dry，經常介紹男仔朋友畀我識，仲話可以令我普通話進步神速。」她坦言出席相睇飯局時尷尬怕醜：「幾尷尬！因為出嚟好似有目的咁，不過感覺都舒服嘅。」

唔介意女追男

結果，經過一輪飯局後總算有「成績」，Abella自爆與一名北京男「了解中」：「有好感囉！依家未正式開始一齊，有單獨出嚟食飯約會，但我唔想為拍拖而拍拖，要揀啱Feel先開始，不過自己唔係長駐北京，有少少驚異地戀。（靚仔？） 有機會一齊嘅話，任何嘢都係情人眼裏出西施。」問到會否女追男？她說：「真係鍾意就唔介意！雖然未試過，只係識Send吓短訊，呢個年代唔緊要啦！」

原來家底豐厚的Abella不求「竹門對竹門」，但求合眼緣，她坦言啱Feel隨時玩閃婚：「唔介意閃婚，有Feel會突然註冊，但唔會未婚生BB，心理上未準備做媽媽，思想未夠成熟。」另外，她指被劇組嫌「削」唔夠肉，要努力增肥：「自己唔多食肉，進度唔理想，可能要飲大隻奶粉。（肥埋上圍？）最慘係呢樣，自己想肥嘅地方未見效。」