黎耀祥自言拍完劇後，便會到日本拍攝旅遊特輯，順道享受家庭樂。

日前，形象健康的黎耀祥第四年為百佳超級巿場擔任代言人，他識做地打煲呔為超巿「賀壽」。正於佛山拍攝劇集的他，坦言會與太太、兒子齊齊到日本旅行血拼。

黎耀祥自言拍完劇後，便會到日本拍攝旅遊特輯，順道享受家庭樂。

黎耀祥為超級市場拍攝廣告，拿着結他唱生日歌。

黎耀祥西裝骨骨，專心看劇本。

黎耀祥身為百佳超級巿場的代言人，向來形象健康的他已是第四年連任，未知是否被其入住的風水屋帶旺，可謂長做長有。日前，祥仔於錄影廠再度拍攝宣傳片，打上煲呔、穿上西裝如生日禮物的他，原來是為超巿拍攝40周年的廣告片，祥仔更一展歌喉，拿着結他唱生日歌。

簡單風水催運

祥仔的獨立屋寓所日前被起底，他昨日接受訪問時說：「我哋做呢行好多衫，以前屋企比較細，依家個仔間房起碼有自己嘅書枱，讀書都專心啲。」有雜誌指他的七年大運在明年便完，問他會否再有信心連任代言人時，他笑說：「有冇運行真係要問吓啲雜誌。（新居有搵風水師睇風水？）都係好簡單睇吓，話我間屋夾我就要冇山冇水，邊有咁多風水地冇山冇水o架！梗係有山有水好啦！有靠山好啲！」現時於佛山拍劇的他稍後會為無綫到日本拍攝旅遊特輯，祥仔說：「今次主要去東京拍攝，我哋一家人都未試過去日本旅行，個仔鍾意Shopping，我行吓街就滿足。」