呂慧儀（左）與高海寧各師各法自保。

李思雅與陳庭欣在法國被博懵，呂慧儀昨日接受電話訪問時，對於Cindy被摸屁股，她說：「如果係就兜巴星啦！不過我都係得個講字，可能遇到咁突然嘅事，嗰一刻我都唔識反應。」她又表示曾獨自到法國旅行，亦試過被熱情的男士嚇一跳：「當時玩自拍，突然有個男人攬我條腰、頭貼頭影合照，不過可能外地文化同香港唔同，覺得只係一個禮儀。」

呂慧儀（左）與高海寧各師各法自保。

此外，上屆世界盃到南非拍攝時，差點被球迷強吻的高海寧昨日接受電話訪問時說：「嗰次我哋拍攝球場嘅氣氛場面，見到有個戴住摔角面具嘅外國人造型幾特別，咪同佢傾幾句囉！當時佢已經搭住我膊頭，之後仲想錫埋嚟，好在Keyman（馬啟仁）醒目，即時用嗰啲大喇叭吹佢，即時救咗我，意外呢啲嘢發生好難避免，做女仔要保護自己，遇到唔舒服要即時出聲，拍唔到都冇人會怪你。」