陳雅倫詐李思捷型：佢霸住我

藝人陳雅倫、李思捷、米雪、黎芷珊及康華等前晚飯敍。陳雅倫透露日前返內地公幹時因藥物敏感及應酬飲酒關係，突然成身腫脹：「由108磅變成130磅，嚇死我，即刻返港睇醫生，入咗院兩日，打針消腫。」與李思捷傳緋聞的她想早日覓得另一半：「我要求唔高，但啲朋友話唔敢追我，因為我條件好喎！（鍾意同性？）冇可能。（叫李思捷介紹男仔？）佢霸住我，又唔同我拍拖。」李思捷談到即將首執導筒拍關於「老夫子」的電影，他指旗下童星、出爐金爵影后李馨巧將孭重飛，稍後她來港時將一同慶祝。