澳門夜夜笙歌的生活總令人迷戀,一班名模慕名到澳門新濠天地欣賞《Taboo色惑》,進入「情.色」地帶,挑戰人類感官極限,周汶錡欣賞演出後安排了一個「名模Taboo 色惑派對夜」,上演一場「名模色惑」真人騷!

澳門新濠天地今年再度邀請創作大師Franco Dragone攜手炮製歌舞表演《Taboo色惑》,是亞洲唯一糅合性感歌舞和高難度奇藝與當代舞蹈之非一般娛樂演出,為觀眾帶來視覺效果,更吸引一班名模周汶錡(Kathy)、琦琦、陳嘉容、歐陽妙芝、汪詩詩及汪圓圓撇下另一半到澳門新濠天地欣賞,挑戰「情.色」極限,各人大讚70分鐘的誘人表演不但富藝術性,亦驚心動魄。

HAND IN HAND新鮮「熱辣」

騷後,Kathy安排派對與一班模特兒敍舊,難得聚頭,各人心情High爆,即時活演一場「名模色惑」真人騷,Kathy與人妻琦琦及歐陽妙芝載歌載舞,大騷長腿,進入忘我境界。

《Taboo色惑》加入全新元素HAND IN HAND,一男一女做出高難度貼身動作,看到陳嘉容目瞪口呆,讚形體動作做得細緻。而見慣大場面的Kathy撇低老公後,更吸引了Taboo的型男挑逗,非常風騷,並笑言老公不會介意!她大讚來自芬蘭的「吞劍女郎」Lucky Hell厲害,能吞下21吋長劍,又戥Lucky肉緊,刺激了一班名模的感官。此外,令人期待的美國性感尤物Michelle Davis化身「芭比」新娘,與一眾性感伴娘以調皮式將衣服一件一件脫下,載歌載舞,性感誘人,令人想入非非,亦令快將出嫁的圓圓及其表妹湛琪清對這「新娘」一見傾心。

歐陽妙芝 Like鋼管舞

「Talia喺鋼管上表現野性,下一刻就喺空中化身芭蕾公主,令我着迷!女歌手Cassie Mclvor嘅聲音好似海豚,令成個騷有視覺同聽覺享受!」

陳嘉容 鍾意睇新嘢

「最鍾意新加嘅HAND IN HAND,佢哋兩個好似融為一個人,睇到我呆咗!」

汪詩詩 讚演出精彩

「個騷精彩又多高難度表演,爸爸睇騷畀Dancer挑逗動作嚇到,如果係老公甄子丹嘅話,就會葉問上身。」

汪圓圓 「婚」享開心騷

「Bridal Shower可愛又性感,結婚係開心事,同個騷一樣,咁好睇當然要分享畀人知!」

琦琦 介紹老公睇

「咁好睇嘅騷一定會介紹畀老公睇,唔介意Dancer挑逗老公,表演之嘛!」

周汶錡 最Buy吞劍

「我都想試吓吞劍,希望有機會喺籌款慈善騷派上用場!」