上周四51歲生日的梁朝偉，與老婆劉嘉玲撐完枱腳慶祝後，近日繼續投入電影《一代宗師》的宣傳活動。昨日電影公司在微博上載偉仔正在簽名及試衫的花絮相，更透露下一站將會到美國繼續宣傳。
偉仔昨日透過經理人公司表示現正在港準備宣傳事宜：「未去美國住，依家喺香港錄定宣傳片同簽定名去美國用。（相中頭髮比之前更短？）係呀！再剷短咗，之前剪完老婆激讚，好評如潮，自己又好耐未試過咁短，所以想再清爽啲！」
