林曉峰（左起）、曾華倩和周家蔚昨日錄影節目，大談兒女經。

樂藝員曾華倩、周家蔚和林曉峰昨日錄影節目《小B大任務》，產後首度主持節目的周家蔚，談及老公洪天明近日生日，問到送了甚麼禮物？她說：「冇買禮物呀！煮咗碗越南湯粉畀佢食咋，依家所有時間都畀晒個仔，開工都好唔捨得個仔，好想餵埋佢食糊仔先出去開工。」

林曉峰（左起）、曾華倩和周家蔚昨日錄影節目，大談兒女經。

而曾華倩兒子十四歲，已經長得高過她，與兒子行街相當Sweet，感覺好似和「小男朋友」一起：「做呢個節目令我諗起個仔BB嗰陣，沖沖吓涼屙屎，我仲將張相畀黃霑睇，霑叔仲笑我錫到個仔燶，篤屎都當黃金。」林曉峰指大仔已經十歲，進入反叛期，幸好自己以前更曳，明白兒子在想甚麼。