子珊敏之結婚唔擺酒

演員黃子華、徐子珊、陳敏之、林子善和梁靖琪等，昨日拍攝無綫新劇《My盛Lady》結婚鬧交場口，子珊和敏之不擔心會出現人情太少導致結不成婚的尷尬場面，因為兩人均無意擺酒。而子華近日錫盡各式「美女」，他笑言女士認真「艷福不淺」，問到稍後會否再有親吻戲，他突然感觸提起林子善，更一度眼濕濕又要數度深呼吸：「我拍呢場戲差啲喊出嚟，呢排成日見到子善都想喊，我當佢細佬咁，見佢困難重重，真係好心痛。」可是再追問是否另有內情，子華則未有解釋便返回崗位。