吳克羣晒愛：超蓮了解我

賭王千金何超蓮的台灣歌手男友吳克羣，昨晚與超蓮前緋聞男友陳俊勰（Zenki）、韓星宋慧喬、藝人楊愛謹及傅嘉莉、鄭融等出席活動。穿白Tee配外套晒胸肌的吳克羣，做代表送花給宋慧喬，二人企定定拍照五秒便火速入場。

首次與宋慧喬碰頭的吳克羣，讚對方有氣質兼高貴優雅，問到覺得她與超蓮哪個漂亮？吳克羣即說：「唔一樣，一個成熟，一個青春可愛。宋慧喬好有女人嘅感覺，超蓮好活潑、有氣質、個性又很好。（鍾意邊一類型？）超蓮係我嘅朋友，了解我多啲，宋慧喬係第一次見，佢演戲好又漂亮，但要了解一下。」提到早前有傳因與混血女模瑞瑪席丹（Rima）看電影而與超蓮鬧翻一事，他說：「唔好亂寫，大家係好朋友，講到好似好小器咁。寫到我咁花心，交朋友係唔會花心。（超蓮有冇問你睇戲件事？）冇。」他自認是傳統台灣大男人，不喜歡被指花心，當被問到是否專一的人？他說：「我在乎嘅朋友我會對佢非常好。（超蓮係咪？）超蓮對我很好，好公平嘅，我一定會付出很多。」

問到超蓮昨日於社交網上載心形踩單車照，是否送給他的？吳克羣突然轉用廣東話說：「我都唔知呀！」至於早前超蓮胞弟何猷啟代為否認分手一事，問是否與猷啟熟稔？吳克羣說：「佢媽媽（三太陳婉珍）同弟弟，感覺好Nice，弟弟係一個好怕醜嘅人，好可愛，你哋下次多啲訪問佢，不過佢好怕醜，一見到你哋就想走。」

緋聞「情敵」讚靚仔

至於曾與超蓮傳緋聞的男模陳俊勰透露，雙方在超蓮的生日會上認識，是好友關係，平日以微信或電話聯絡。問他有否關心超蓮的感情生活？他說：「冇乜。（佢有冇提過吳克羣？）好少講感情嘢。（同吳克羣同場會唔會尷尬？）佢都唔識我。（覺得邊個靚仔啲？）大家路線唔同，佢Sell大隻，都靚仔。（有冇追過超蓮？）普通朋友。」而將推出寫真的楊愛謹以露腰裝出席，她表示男友郭永淳已看過寫真集的相，但沒有讚她身材好。