CoCo踩過界做老闆
修讀商科的CoCo最近開設樓上二手服裝店，升呢做老闆娘。
周秀娜師妹袁紫僑最近踩過界，開設樓上二手時裝店，以超平價賣潮牌服裝，只有21歲的她正籌備創立自家潮牌，力證外表嬌俏但絕非得個殼。
修讀商科的CoCo最近開設樓上二手服裝店，升呢做老闆娘。
雖然CoCo貴為老闆娘，但經常到舖頭打點，親力親為執貨。
CoCo落力埋數，有時做到三更半夜，依然毫無怨言。
周秀娜師妹、模特兒袁紫僑（CoCo）一直修讀商科課程，亦希望成為女強人，最近終有機會做老闆娘。上月初，CoCo與多名好友在觀塘開設樓上二手時裝店，以超平價錢售賣潮牌服裝，問到何以有此構思？她說：「我好鍾意買衫，試過將新衫放上網，好多網友問點買到，發覺原來有得做！好多香港人都鍾意買日本古着，我希望將呢個傳統引入香港。好開心有唔同時裝Buyer、藝人同Model朋友放啲衫嚟寄賣，我哋Set嘅價比出面平一半以上，而且又環保，所以反應好好！」
CoCo與幾位合夥人連入貨、布置、埋數及執拾等都親力親為：「有時都做到半夜，但學到好多嘢，辛苦都值得。」她透露店舖是4個月短期租約的Pop Up Store，若反應好，會引入更多服裝品牌甚至家具，或借場地供人搞展覽。只得21歲的CoCo更正籌備自家潮牌，認真瓣數多多！
稚氣未減更用心
不過CoCo認為太年輕及外形稚氣，在商界打滾是缺點，要比別人付出更多：「試過幫屋企人傾生意，當日着得幾Casual，對方都有少少質疑我，但我準備好晒計劃書，又解釋得好，對方先信服咋！」
