陳敏之已有滿肚結婚生B大計，看來好事近！

陳敏之在劇集《熟男有惑》中首次演母親，更是一位未婚媽媽，不過她坦言不介意，因為就算是真實年齡，都應該做母親：「依家年紀開始成熟，而且我好鍾意小朋友，拍攝時都好投入。」即使是現實生活中，她都接受做未婚媽媽：「呢啲當然最好有計劃啦！不過我絕對唔介意，做咗呢行，思想都有啲改變，以前十幾歲想擁有一個童話式婚禮，依家婚姻方面我唔使太傳統，着裙褂我會覺得好娘，冇乜樂趣，陳豪、陳茵媺呢個結婚方式絕對係我嘅Style。」

陳敏之已有滿肚結婚生B大計，看來好事近！

敏之跟圈外男友拍拖八年，坦言已有計劃結婚，她笑說：「慶幸佢唔係圈中人，我哋鍾意陽光、海灘，所以郭羨妮都有提議我去關島搞婚禮，我係教徒，我想結婚時喺教堂舉行，親戚唔會多請，只係雙方家長就夠。」而擁有43吋長腿的她，在劇中「封腿」上陣，希望給觀眾另一種感覺！