朱茵早前與Paul到尼泊爾作慈善探訪，領悟何謂快樂。

朱茵早前與丈夫黃貫中（Paul）以「奧比斯兒童大使」身份到尼泊爾作慈善探訪，她日前接受電話訪問時說：「好彩冇因為湊女而放棄今次行程，因為我學到好多嘢，體會到原來快樂可以咁簡單，睇見日出、日落，就覺得呢個世界非常美好！」

朱茵早前與Paul到尼泊爾作慈善探訪，領悟何謂快樂。

黃鶯精靈可愛，學習能力亦不俗。

最近甚少公開露面的朱茵表示，絕非有意退出娛樂圈，並強調對演戲仍有濃厚興趣，但因不再是單身，故接工作前要仔細考慮，她說：「都有人搵我拍戲，只要係好劇本，我都接o架！但唔可以長時間離開家人，我要對佢哋負責任。」她大讚愛女黃鶯是精靈BB，個多月大就懂發『媽』聲，四個多月大就懂叫「媽媽」、「爸爸」及「Paul」：「覺得同我一手一腳湊BB有關，因為工人唔會咁有心機教BB講嘢。」她指愛女對她影響甚大，以前愛購物的她因不想女兒過分注重物質，現時只愛帶囡囡親親大自然，到附近公園遊玩。