孫佳君面部近日勁有光澤但變得「硬膠」，她大方承認曾注射Botox。

近期被指「膠面」的孫佳君，前晚出席活動時坦承注射過面部Botox，更稱會打上癮，但未試過動刀磨腮骨等手術，她又自詡上圍夠豐滿，毋須隆胸。

孫佳君面部近日勁有光澤但變得「硬膠」，她大方承認曾注射Botox。

孫佳君

王馨平跟舊愛嘉穎「再見亦是朋友」，不介意再合作。

馬德鐘為拍劇要食少啲，鎖住「肌」味。

偕伴侶趙式芝到場的Sean（左），封了大利是給王馨平。

性感女星孫佳君前晚出席《BALL for BMW新錶發布酒會》，其他嘉賓還有主人家楊如芯（Sean）、伴侶兼富商趙世曾女兒趙式芝、丁子高及名模陳祉妤等。孫佳君表示將會宣傳新片，在片中飾演「骨妹」的她說：「依家諗住開按摩店，不過租金較貴，物色緊。我都鍾意揼骨，早排先去完深圳揼完骨。（有冇人認得你？）冇，可能我冇化妝。（整容？）我唔明點解畀人話膠面，都係執咗少少。（邊方面？）皮膚，我有打Botox去皺紋，面部各類Botox都試過。」她坦言有需要才會注射：「開戲前唔會打，怕影響面部表情。」

上圍夠用免僭建

孫佳君不諱言曾於身體開刀去除疤痕，但未有磨腮骨。她不介意擔任整容公司代言人，認為整容很普遍：「知道韓國嘅手術唔錯，但未試過。（整容、打Botox會上癮？）會，只要有日起身好想做（打Botox），就會去做，不過成日提醒自己唔好Over 。（滿意依家嘅自己？）Very Good！」問到會否隆胸？她即大笑，暗示上圍已經夠豐滿，不用隆胸。

而剛從橫店拍劇返港的馬德鐘表示，即將開拍劇集《飛虎2》，現在需要Keep Fit：「要少啲食嘢，依家返咗嚟食得好少，但喺內地好多美食，自己都少出去食飯。（太太放心晒？）係，橫店（緋聞）依家好犀利，正常社交都會有，不過少飲酒。」

王馨平嘉穎飯敍

至於擔任表演嘉賓的王馨平透露，主人家Sean封了大利是給她：「貴過隻錶呀！」她表示近期簽了內地經理人公司，再次活躍娛樂圈。提到早前有人冒認周慧敏經理人，問到會否擔心？她笑說：「所以我高調宣布。（介唔介意同鄭嘉穎合作？）我哋私底下係好朋友，呢兩日先食過飯。」