未知43歲的陳慧珊一身娘爆造型加水桶褲，有否嚇窒吳啟華呢？

「師奶殺手」吳啟華今次攞正牌扮情聖，於《舞》劇享盡齊人福，換了新髮型的他昨日戴黑超出席記者會時風騷「晒命」，表示答允演出全因畀面「師傅」曾志偉，面對今次一班「媽媽輩」的中女對手，他即忍不住笑說：「咁多師奶嚟，梗係要搵『師奶殺手』啦！」他更親自從訓練班挑選出何廣沛飾演其後生版，笑指全因對方夠靚仔。

未知43歲的陳慧珊一身娘爆造型加水桶褲，有否嚇窒吳啟華呢？

此外，廿四孝爸爸啟華自爆因這劇激怒愛女，因原定暑假要陪女兒旅行，結果接演此劇而取消：「個女唔開心，不過呢套劇要拍三個幾月，我10月接咗套內地劇，所以只能畀兩個半月佢哋（無綫）。（有冇咀戲？）後生版先有，咁多個女角我只係同陳慧珊合作過，今次同佢、李若彤對手戲多啲！其他人係暗戀我，其實我當年喺訓練班都好多人暗戀o架！」