苟芸慧讚城城「滾」得弗

藝員苟芸慧、梁烈唯、楊秀惠和姚子羚等昨日到W酒店出席宣傳活動，苟芸慧最近被拍得在上海食麻辣火鍋，似乎與愛「滾」的緋聞男友郭富城志趣相投，惟她強調與城城沒有聯絡：「好多人都鍾意打邊爐，我未同過佢打邊爐，嗰日係郭晉安吹雞。之前見城城啲相都好弗，係我要Keep Fit啫！」自言瘦了的她透露近期每朝拉筋及多飲水，「以毒攻毒」去水腫。而梁烈唯即將參加《星夢傳奇》歌唱比賽，提到有指他不用試音就入圍，唯唯說：「試音期嗰陣唔喺香港，我之前上過節目獻唱，佢哋知我唔會唱到趕客先收我。」對於被傳是內定三甲，他坦言對手太強，沒有信心入三甲：「可能我第一集已經出局呢，如果真係內定，我就唔使咁緊張啦！我相信評判係公正嘅。」