手、頸都被綁住，阿Sa笑言惟有等人餵食嘢。

蔡卓妍在新歌MV中大玩SM綑綁，更要求「綁耐啲」！在床上擺性感甫士的她笑言，代入陳淑蘭在《家有囍事》中典床典席唱《金絲雀》的一幕。

手、頸都被綁住，阿Sa笑言惟有等人餵食嘢。

阿Sa在床上幻想「金絲雀」，展現性感一面。

被男演員箍繩扯頸的阿Sa唔怕辛苦，更揚言「綁耐啲都OK！」

蔡卓妍（阿Sa）明日推出全新廣東大碟《Blooming》，日前她一口氣連拍四首MV，外號「鐵人阿Sa」的她大口氣地說：「一日拍4個MV濕濕碎啦！嗰陣時Twins嘅兒歌集係一日內拍晒十幾個MVo架！」

在新歌《憐香惜玉》MV中，阿Sa大玩熟女SM誘惑，身穿黑色喱士晚裝的她，手和頸被纏麻繩，寓意她為男友甘願為奴為婢，只望終有一天感動對方。男主角不時猛力拉扯阿Sa的頸繩，令穿着高跟鞋的她前仆後繼，身旁的工作人員都替阿Sa感到辛苦，豈料她說:「唔係太唔舒服喎！係咪我演繹得好咋？不過唔係幾方便，攞唔到嘢食又去唔到洗手間，不過畀人餵都幾爽，綁耐啲都OK！」

靠「金絲雀」入戲

阿Sa在另一首歌《薄霧》的MV中，要在床上搔首弄姿，被讚甫士性感的她笑說：「好性感咩？我心裏面諗緊陳淑蘭喺《家有囍事》裏面，喺床上唱嗰首《金絲雀》喎！」令在場工作人員捧腹大笑。