Fiona睇衫時太忘我，不慎透出打底褲。

近日受耳患困擾的薛凱琪（Fiona），日前與助手等到灣仔時裝店睇衫，穿上白色連身背心衫褲的她，因衣物布料較薄，當她微微彎身曲腳，屁股的打底褲即透了出來。她揀了一條淺色連身長裙，隨即拼上身埋鏡照，期間發現記者拍照，即搞笑地伸頭出來微笑打招呼，之後繼續睇衫，但最終揀不到心頭好，然後到附近乘車走人。

Fiona睇衫時太忘我，不慎透出打底褲。

Fiona出席活動時透露，左耳戴耳塞並食藥治療。

另外，前日出席飲食頒獎禮的Fiona，被問到耳患情況時，她說：「我左耳戴咗耳塞，依家聽嘢比平時大聲5倍，但未知咩事，食緊藥，醫生話可能細菌感染，亦可能腫瘤壓住耳仔神經，但呢個機會好微，稍後會照腦。（影響工作？）暫時做啲唔使靠耳嘅工作，例如填詞、作曲等。（擔心抑鬱症發作？）唔驚，我依家好堅強，又有信仰，相信主會幫我，即使聽唔到，個心好咪得囉！」