被大批真假龍友圍攻的高Ling，繼續投入地派傳單，相當專業！

藝人高海寧（高Ling）與徐子珊等昨晨繼續為新劇《My盛Lady》開工，性感上陣的高Ling吸引一群真、假龍友圍影，但她因專注拍攝而「無視」龍友鏡頭，有人即場爆粗，事後高Ling直言受驚。

被大批真假龍友圍攻的高Ling，繼續投入地派傳單，相當專業！

高Ling拍劇期間突被龍友以粗口問候，令她大吃一驚。

化身巨型唇膏的高Ling，與同劇的呂珊合照。

子珊（左起）穿高踭鞋跑步時狀甚輕鬆，與林子善及阮兆祥齊齊開工。

高Ling、徐子珊及阮兆祥等昨晨在新蒲崗一個商場拍攝新劇《My盛Lady》，高Ling先以Deep V小背心加超短裙上陣，大露事業線、23吋纖腰及長腿的她，以「黐脷筋」的腔調派傳單，吸引途人圍觀。除了劇組安排的假龍友外，現場更出現街坊龍友，拿着電話距離高Ling不足2米說：「靚女，望過嚟！」可是，高Ling因要專注拍攝而沒有理會對方，該名街坊龍友即細聲講粗口：「唔X影喇！」

高Ling受訪時表示有受驚：「如果遠距離、有禮貌嘅都OK，但啱啱追住影就有少少嚇親！」她其後換上一套螢光粉紅色的超短裙，繼續大露纖腰，但就戴上一個巨型唇膏頭套，因造型可愛而被街坊要求合照，不怕騎呢的高Ling則有求必應，但高Ling卻不幸被唇膏頭套搞到膝頭敏感紅腫。

子珊甘拜下「峰」

另一邊廂，早前在拍攝時跌傷腰骨的子珊繼續穿上高踭鞋，健步如飛的她似乎康復情況不錯。問到會否怕被高Ling的惹火身材搶風頭，子珊即大讚高Ling非常勇敢及肯搏，又謙虛自嘲冇身材及冇演技：「戲入面都有啲露吓腰、着Bra Top咁，但點性感都冇佢嘅效果。（你有演技！）冇呀！身材同演技都冇！（你係港姐冠軍！）咁我Sell平均！」