崔建邦不願多談梁奕倫,直言「唔想幫人宣傳」!

崔建邦與梁烈唯等昨日出席無綫藝員歌唱比賽《星夢傳奇》記者會,對於梁奕倫透露有一位男藝人為博他介紹工作,借醉用脷舔他的頸,事後有雜誌矛頭指崔建邦,對此,邦邦坦言不想多講:「人哋都冇開名,我冇必要對號入座,亦唔想幫人宣傳!(百分百鍾意女人?)梗係!我都想知佢講緊邊個。(同梁奕倫係朋友?)呢個圈個個都係朋友。」而梁烈唯否認被指是比賽內定冠軍,但推說試音時不在港,憑平日演出順利入圍,今次比賽對手強勁,睇好好友兼新秀亞軍鄭俊弘。被指好事近的他直言曾打算讓無綫直播婚禮:「有前輩話當年萬梓良都係咁,驚唔好意頭喎!」

崔建邦不願多談梁奕倫,直言「唔想幫人宣傳」!