錢嘉樂與老婆湯盈盈帶同囡囡外出食飯賀父親節。

榮升第二任父親的張晉，儘管狂呻被囡囡轟炸，仍甘願做愛女的「奴隸獸」。而第一次以爸爸身份過節的錢嘉樂，前晚帶老婆湯盈盈和囡囡去開餐，由「大細路」變成廿四孝老竇。

錢嘉樂與老婆湯盈盈帶同囡囡外出食飯賀父親節。

羅樂林獲女兒撐場兼送吻，自然冧到爆！

張晉愛女心切，更不介意做囡囡的人肉威吔。

蔡少芬（Ada）的老公張晉昨日出席nowTV活動，今年榮升第二任父親的他，大呻湊愛女張楚兒「湯圓」及張信兒「包子」之苦：「湊一個都仲有時間休息，但湊兩個就真係畀佢哋輪流轟炸！」他又自爆「湯圓」當自己是人肉「吊威吔」：「平時我會『的』起湯圓上膊頭，佢叫呢個動作做『吊威吔』，不過佢依家成三十幾磅，搞到好似舉重咁！」雖然狂呻湊女辛苦，但他的心裏仍極享受箇中樂趣：「始終我同Ada都想親力親為，所以就算幾忙，都一定要花時間相處。」

盈盈護囡囡雙眼

另一邊廂，錢嘉樂前晚約10時左右，攜同太太湯盈盈及3個月大的囡囡錢凱晴（Alyssa）到中環食飯，一家三口慶祝首個父親節，初為父母的二人對囡囡呵護備至，嘉樂親手拿着BB椅，盡展慈父一面，盈盈則抱實Alyssa，見到記者拍攝時，還細心用手遮實囡囡雙眼，她聲稱擔心囡囡被相機燈光照到：「BB對眼弱啲！」離開時，嘉樂先擺放好BB椅，再讓盈盈步上座駕，還溫柔地對Alyssa笑說：「凱晴！你個樣畀人影晒喇！」

此外，羅樂林昨日與羅苡之父女檔出席兒童課程記者會時，對黎漢持病逝大感可惜：「同佢麗的時代合作過，印象中佢好健康，真係可惜！」