滕麗名與魏駿傑的舊史再被翻炒，但她揚言不會因而改電話號碼。

滕麗名、郭晉安、王君馨及黃長興等昨日出席新劇《熟男有惑》的宣傳活動，玩遊戲時相當投入，王君馨騎在單立文背上大送「波餅」，黃長興則騷胸肌大跳「脫衣舞」。

滕麗名與魏駿傑的舊史再被翻炒，但她揚言不會因而改電話號碼。

黃長興於一眾女演員面前跳舞，令她們不停尖叫。

阿滕與舊愛魏駿傑又爆恩怨，她起初不欲多談，不過有記者指魏駿傑揚言只在分手初期曾要求復合，3年前已斷絕短訊，阿滕即忍不住說：「2012都係幾年前！咁嗰個一定係李思捷（《玩嘢王》）嘞！我有畀佢啲短訊我未婚夫睇，因為佢坐隔籬。我有回覆：『You drunk（你飲醉）？』」問到魏駿傑是否令她很失望時，她說：「唔會，因為完全冇希望過啲乜。（人生污點？）又唔可以咁講，我睇得好開嘅。（改電話避佢？）唔會，我又冇做錯事。」

而郭晉安主動展示其5歲兒子自製的鎖匙扣父親節禮物，令他相當感動：「早幾日我去咗內地，佢留言問我喺邊？幾時返？辛唔辛苦？我聽到都眼濕濕。」他又大爆細女開始與哥哥爭寵，經常要錫錫，並指一對寶貝仔女令他相當窩心。