甄澤權

魔術師甄澤權（Louis）於無綫節目《玩嘢王》被鍾嘉欣BB整蠱而人氣急升，平日愛擺Chok樣變魔術的他，自言私底下是個「傻仔」：「自從《玩嘢王》之後，大家覺得我諗好多整蠱人嘅嘢，係個玩得嘅人，所以近排影相啲人都叫我擺出好多玩嘢、搞笑甫士，多數我會扮可憐樣，因為畀嘉欣整蠱之後，大家都覺得我慘。（影響專業形象？）唔會，有多方面發展仲好，唔使成日懶正經、扮Chok，搞笑都可以好專業。」

甄澤權

魔術師除了扮Chok耍Cool，甄澤權示範O嘴及蠱惑樣，一樣有「戲」。

Louis自稱有些少演戲天分 ，當日扮被針穿手騙嘉欣一幕，更在家中反覆練習，不料最終反被整蠱，他解釋：「嗰刻其實覺得有少少古怪，點解所有人淨係鬧我？當我諗到係畀人整蠱時，佢哋已經跳咗出嚟講真相。」