鵬哥（右）和詹Sir以少年Pi造型出場，一身裝假狗嘅肌肉已笑爆嘴！

盧海鵬和詹瑞文踩入紅館放笑彈，惡搞少年Pi、郭富城和Michael Jackson。詹Sir冇大冇細地問鵬哥幾時上天堂，令鵬哥大嗌：「啋過你！」

鵬哥（右）和詹Sir以少年Pi造型出場，一身裝假狗嘅肌肉已笑爆嘴！

Dancers化身人肉坦克車托起「郭富鵬」，有霸氣！

詹Sir扮MJ勁舞，大擺招牌自摸動作。

由兩代扮嘢巨匠盧海鵬和詹瑞文炮製、一連兩場的《詹瑞文盧海鵬紅館奇幻扮嘢大典》昨晚假紅館正式開鑼，獲莊思敏和鄭中基等捧場。螢幕首先播出鵬哥扮畢彼特的片段，為扮嘢盛會揭序幕！隨後鵬哥和詹Sir化身「老年Pi」現身，穿緊身衫騷「人工腹肌」，生鬼抵死！

出「蕉」講有味Gag

兩位一開金口即攞現場觀眾開玩笑，鵬哥說：「現場有好多人喺度！」詹Sir則說：「嗰啲係人？可能係污糟嘢！」更指着台下其中一位四眼觀眾質問他說：「你係咪人？」他又大講黃色笑話，指要送觀眾一條香蕉，又對鵬哥說：「你有一條，我有一條！」有備而來的鵬哥即在腰間掏出一條新鮮香蕉，笑爆全場！

兩人落台換裝時，台上播出詹Sir惡搞梁朝偉《花樣年華》的片段，之後鵬哥變身山寨版郭富城，以皮衫皮褲的「鐵幕誘惑」造型登場，大唱《對你愛不完》，可惜頻頻甩Key和忘詞，連他都忍不住笑場。詹Sir緊接以老翻Michael Jackson（MJ）造型大跳其招牌Moon Walk及45度斜身的弱化版，雙手又不時自摸下體！之後鵬哥再次回到台上，取笑扮演MJ的詹Sir是「從天而降」，詹Sir反擊說：「我喺上邊不知幾開心，有貓王、家駒陪我，幾時到你上嚟一齊玩？」年逾70的鵬哥即說：「啋過你！大吉利是，我仲有排玩！」

另外，鵬哥和詹Sir昨日傍晚六時出席拜神儀式，詹Sir更不避嫌與緋聞女友Amenda切燒豬。