陳敏之（左起）、王君馨、高海寧、呂慧儀和胡杏兒紛紛向「雙陳」送祝福。

呂慧儀和麥長青等昨日出席記者會，對於陳茵媺（Aimee）結婚，與Aimee屬同屆港姐的呂慧儀笑言大家已是「香港太太」。至於有傳Aimee到加拿大安胎，她說：「我細佬都喺嗰度出世，嗰度醫療設備好好嘅。（送乜？）等佢哋證實咗先。」與一對新人私交甚篤的麥長青稱未收到通知到當地觀禮：「可能佢怕我被傳媒問起尷尬，佢哋籌備咗一段時間。陳豪係好男人，顧家又浪漫，陳茵媺好鍾意。」高海寧則祝他們三年抱兩：「佢哋咁開心，小朋友個樣一定好開心。」胡杏兒更祝他們小朋友肥肥白白，問到是否得知女方有孕？她說：「我睇新聞咋！遲啲生個小朋友都會係肥肥白白。（同黃宗澤緋聞女友林穎彤同場？）過咗去咁耐唔好問啦！」此外，曾合作《晚九朝五》的周嘉玲大讚陳豪有義氣：「之後我轉做公關，有次搞活動諗起佢，當時佢好紅都一口答應，佢好念舊情！」

陳敏之（左起）、王君馨、高海寧、呂慧儀和胡杏兒紛紛向「雙陳」送祝福。

周嘉玲大讚陳氏伉儷十分登對。