吳彤自爆「出櫃」後，其母一度拒絕見面，令他感心痛又內疚！

歌手吳彤承認同性戀後，坦言讓父母倍添壓力，其母更一度拒與他見面，令他感到既心痛又內疚！但吳彤不擔心要背負傳宗接代的責任，皆因家中還有弟弟一定會跟女性結婚！文：影視組　攝：黎志輝

吳彤自爆「出櫃」後，其母一度拒絕見面，令他感心痛又內疚！

吳彤（右）雖與鄭家維傳緋聞，但否認與對方撻着。

吳彤（中）早前偕朱紫嬈及設計師Selway（左）合作其監製的微電影《魚翅行動》。

鄭家維（右）亦獲邀參演《魚》片。

吳彤早前宣布「出櫃」，雖然父母思想較開通，但他坦言其任性令家庭增添壓力，令他有點內疚：「其實媽咪幾年前已經知，佢都接受我係（同性戀），老實講我仲有個細佬，佢絕對會同女仔結婚，所以傳宗接代交畀佢，唔使擔心，反而媽咪需要時間接受我公開。」

吳彤公開性取向後與父母僅以短訊溝通，其母甚至要求暫時不見面：「起初媽咪話需要時間接受，好心痛！我Send短訊話知道佢要承受不必要嘅壓力，呢樣嘢我最過意唔去，對佢哋好唔公平，但都希望佢明白作為一個藝人，喺我仲有少少影響力時，講到啲嘢係可以為社會出分力。」

撐同志要堅強

對於突然公開「出櫃」，吳彤指因前度遭有宗教信仰的朋友反對，故一直為保護另一半而收埋：「分手後，我感受到社會上有部分人嘅歧視仍然存在，所以希望藉着我嘅公開，畀受緊壓力嘅朋友知道佢哋唔係自己一個，要繼續堅強。我認為唔好將你嘅信仰建築喺人哋身上。」提到早前他與合演微電影《魚翅行動》的鄭家維傳緋聞，問到是否因而撻着？他說：「冇可能，我識佢十幾年，同維維一定冇可能，我唔會接受佢！」