憑《玩嘢王》人氣急升的李思捷作出新嘗試，將會自導自演。

李思捷憑整蠱節目《玩嘢王》熱爆全城，深明「見好就收」的他最新大計是自導自演，不過「公私分明」的他卻沒預留角色給緋聞女友王宝宝（春卷）。文：影視組

憑《玩嘢王》人氣急升的李思捷作出新嘗試，將會自導自演。

李思捷已預留新片女主角給陳雅倫。

「公私分明」的李思捷，新片冇預春卷。

栢芝跟霆鋒亦曾拍過《老夫子》。

李思捷憑《玩嘢王》登上事業高峰，事前人人都估「終極一集」是他與陳雅倫的「玩嘢緋聞」，不過實情是他與陳雅倫夾份整蠱金剛。對於緋聞，他笑說：「佢真係我阿姐囉！」在最後一集中，被整蠱的薛家燕逼他「金盆洗手」。問到可會添食？他說：「起碼隔一年，淡咗先啦！等人哋見到我咪咁驚先。」對於收視贏黃金劇，他表示很怕跟同台的節目比較：「因為大家都係一個Family，我尊重拍劇，因為我都拍劇，佢哋只係Unlucky，而我就Lucky。」

思捷將會接受新挑戰，就是自導自演！今年8月將會開拍真人電影版《老夫子》，他表示一向恨怕「一級片」:「香港應該多啲一級片，老少咸宜，全世界都睇得。（怕同謝霆鋒、張栢芝嗰套《老夫子》比較？）嗰套嘅老夫子係卡通人物，我呢套係全真人版，以前粵語長片都係咁，點解唔攞番嚟做？」

陳雅倫做女主角

對於電影詳情，他卻大賣關子，但透露他會飾演「老夫子」。問到可有感情線？他說：「老夫子點可以冇陳小姐？（陳小姐係陳雅倫？）佢係其中一個女主角，不過唔係陳小姐。（有冇角色畀緋聞女友春卷？）未搵到，如果有啱嘅我可以Cast嚟睇吓嘅。（咁熟仲要Cast？）私人嘢唔講。（係工作！）適合就用啦！唔會特登為佢寫一個角色。」