黃百鳴（中）西裝骨骨出席發布會。

黃百鳴及羅霖昨日到跑馬地馬場出席《福源「有機沉香茶」產品發布會》，黃百鳴更破天荒為產品擔任代言人，他說：「入行咁多年，今次第一次做代言人！做之前我了解咗沉香嘅資料，去馬來西亞沉香園視察，又試飲過呢隻茶，你唔覺我靚仔咗咩？我希望將呢隻茶介紹畀大家！（酬勞如何？）OK！幾多位數字就唔講喇！」他透露正籌備新片：「谷德昭導演嘅賀歲片會有吳君如、熊黛林；陳慶嘉導演嘅愛情喜劇有古天樂。（預埋吳千語？）同古天樂都唔襯，襯林峯多啲！」

黃百鳴（中）西裝骨骨出席發布會。

羅霖自爆有追求者，但尚未開始發展。

羅霖亦力撐好友：「識咗百鳴哥十幾廿年，知佢做代言人，專誠嚟撐佢！我呢幾年煩屋企事，失眠問題困擾咗我六年，都想試吓呢隻茶，睇吓可唔可以令我心境平靜。遲啲我會帶三個仔去日本旅行，要養好身體，抖足精神！（感情狀況如何？）都Feel到有人鍾意自己，寂寞時都想有人倚靠、搵人傾訴，但順其自然，過多排先啦！」