芳芳姐與詹Sir（左二）和鵬哥等大跳《激光中》舞步。

兩代「扮嘢大師」盧海鵬及詹瑞文昨日綵排明晚開騷的《詹瑞文盧海鵬紅館奇幻扮嘢大典》，當鵬哥練習《激光中》的妖舞時，「扮嘢天后」蕭芳芳突然「踩場」，笑言二人「一個大癲，一個夠癲」，嚇到詹Sir彈起兼高呼Surprise，在旁的鵬哥笑說：「你係咪行錯路？」

芳芳姐與詹Sir（左二）和鵬哥等大跳《激光中》舞步。

芳芳姐重現昔日紅爆的「林亞珍」。

芳芳姐送糉給鵬哥和詹Sir打氣。

有機會合作扮嘢

芳芳姐又感激詹Sir幫護苗基金拍教育課程，所以特意前來探班撐場，唔停口的鵬哥說：「哦，佢幫你搞嘢。」適逢端午節，芳芳姐帶來「打氣糉」及其經典角色林亞珍的眼鏡送給他倆作鼓勵。

另外，問到芳芳姐可會跟二人合作「扮嘢」？她說：「兩個咁幽默，等佢哋寫個劇本畀我先。」詹Sir玩食字說：「人哋江南Style，我就『夾硬Style』寫個好劇本！」

芳芳姐又抵死叫二人屆時露事業線搞氣氛，鵬哥義不容辭說：「我哋露少少都得，又唔係冇。」在旁的詹Sir說：「畫咪得囉！」